Ээж болоод удаагүй над шиг л мянга мянган баяр хөөр мэдрэн суугаа ээжүүд та нар сайн байна уу.
Та охинтой болсон уу? эсвэл хүүтэй юу?
Чин үнэнийг хэлэхэд ээж болох гэдэг олон асуудал араасаа дагуулах юм. Урьд нь нарийхан гоолиг байсан бол бүдүүн болж сэтгэлээр унана.Төрчихөөд л нөгөө том гэдэс алга болчихоно гэсэн чинь үрчийсэн хар арьс гэдсэн дээр байж л байна.надаа тохиолдоогүй ч зарим нэгэн ээжүүд сэвхтэй болчихоно.Бас төрөлтөөс үүссэн язралт хэзээ ч арилахгүйгээр ярзайж харагдана. Хагалгаагаар төрсөн бол хагалгааны сорви үлдэнэ гэх мэт зөндөө асуудал...
Шар будаатай цай, жигнэмэг, цайны боов идсээр байгаад улам л жин нэмнэ. Удаан гэртээ суугаад уйдана, сэтгэлээр унана. Ээж байх хэдий сайхан ч гэсэн өөрийнхөө үнэлэмжийн хувьд эмэгтэй хүн гэсэн байр суурь ээж гэдгээр солигдож орхидог.
Бэрхшээлийг хэрхэн туулах ёстой юм бол?
Хамгийн эхэнд жигнэмэг, гурилан боовноос татгалзах хэрэгтэй юм байна лээ.Шар будаатай цай ч гайгүй юм шиг байна лээ. Гол нь хальстай будаа болохоор сүү сайн оруулхаас гадна гэдэсний гүрвэлзэх хөдөлгөөн сайжруулна. Саяхан өдөр тутмын сонин дээр гарсан байсан. Сүү оруулна гээд их идэх нь буруу гэж. Хүүхэд нь өлсөөд байвал нэмэлт тэжээл хүүхэддээ хөхний сүүтэй хамт өгч болох юм байна. Болж өгвөл 6 сар хүртэл нь хөхөөрөө хооллох гээд үзээрэй. Нээрээ хар гурилан талх сүү сайн оруулдаг болохоор жигнэмэгний оронд хэрэглэж болно.
Аль болох уурлаж бухимдалгүй байхыг хичээгээрэй.Гэртээ хүүхэдээ хараад л суугаад байхаар уйдаад уурлаж бухимдах зүйл зөндөө гардаг хэдий ч тэвчээртэй байж амьдралынхаа туршид хийх ажлынхаа талыг хийчихсэн гээд сэтгэлээ тайван байлгаж сайн амраад авахыг хичээгээрэй. Хүссэн хүсээгүй их ажил өмнө хүлээж байгаа шүү дээ.
Ойрхон дэлгүүр яв, тав арван минут ч гэсэн аавд нь хүүхэдээ орхиод дасгах хэрэгтэй. Эх үрийн холбоо шиг эцэг хүү хоёр ч бас цуг байх хэрэгтэй :D
Аз жаргал ээж хүний хажууд нь байдаг. Тэр бол хүүхэд
Ээжүүддээ амжилт хүсэе.
Хүндэтгэсэн ЗҮРХ
